1. |
404
02:21
|
|||
I bi widr zrügg und ha nur Liebi da
sorry, i has nid chliner gha
i 13 Songs um d’Wält, nenn mi Phileas
Film Noir: z’Resultat vo 1 geteilt dür 1984
sit dä früeche Chindertag tröimeni in schieferblau
mini Schatzcharte zeigt keh Siitegass i z’Mittelmass
keh Zyt füre Devisemarkt, fiele a de Gittersprach
striite um keh Kitaplatz, i ha chronisch Tiefeangscht
drum suecheni nach Türe, wo üs niemer meh verschliesse cha
sit zwöi Dekade provoziereni mis Schicksal
misse d’Zyt nach de Dienschtjahr, woni vrmiede ha
zieh i z’Prekariat nur damit i öpis z’schribe ha
und um mi ume rede si alli nur vo Wirtschaft
verhalte sich als wäri sälbscht d’Liebi nur ä Bsitzfrag
i wott mis gottverdammte Glück nid abem Fliessband
d’Hoffnig cha nid tot si, - i mim Chüehlschrank isch no Liecht an
und solang schmeissi konvulsivisch Öl a jedi Liinwand
was isch de Himmel gsi bevor er isch de Himmel gsi?
warum teilt me d’Wält i Gwinner und Verlierer i?
z’viel Nulle hinterem Komma verwirre mi
i ha lang bruucht, um mit weni z’friide z’si
für mi isch Riich-Si usser Richwiiti
wüel all di Grössi isch nur es gringers Chli-Si
i bi nid meh als ä gschiteretä Gschiteretä
luege uf und warte druf, dass Gott als Erschte blinzlet
hasses, dass jede Schuss es Ziel het
mini ganzi Jugend füehlt sech a wines Speed Date
ufgwachse a de Beat Street, d’OG’s si Real G’s
bi Röiber und Poli nie wölle 117 si
weiss nüt, nüt ghört, niemer gseh
ha nie wölle Teil vo eure Industrie si
ha nüt gmeinsam mit Rapper, wo wei Memes si
nid meh wei als d’Hierachieä z’diversifiziere
s’bruucht keh blaue Hake, um mi z’verifiziere
du suechsch nach miinesgliiche, aber Error 404
Ayo, du suechsch nach minesgliiche, aber Error 404
|
||||
2. |
Kikyō
03:36
|
|||
Verse 1
Ayo, Delta, Epsilon, Zeta
Meta-Verses vor dä Zuckerbergs’
we de gross Chueche redet, müesse d’Brosme ihri Frässe ha
i lächle zwar, doch bi nid de Schwiegersohn vo näbedrah
es Läbelang gits keh Venusfalle, wo mi häbe cha
i hit’ i de Dürrezyt de Rägetanz
mini Bankresärve länge nume für d’Resärvebank
doch alles, wo mi nid het tötet, het mi ächter gmacht
Maillot Jaune, dir fahret irgendwo im Peloton
heit ds radiokonforme Chloroform für t’Shopping Mall
sit Teilzyt-Rapper, Vollzyt-Clown, meinsch, solang de Profit rollt
heig i Zyt für t’Provokatione vo de Profi-Trolls
i sitz mit Bodygoals bi Côte d’Azur’schem Horizont
und lääre heissi Schoggisauce über chalti Profiteroles
d’Armuet begehrt, was sie bedingt het
darum häbeni de Index diräkt i Richtig Implex
hie het me Sympathie für jedi Form vo Hierachie
darum lah üs Lieder schribe bevor si d’Schrift verbiete
beantworte Business-Emails numeno i Hieroglyphe
und gah a dini Fasnacht verchleidet als e Pyramide
Verse 2
Ayo, de Macbeth vom Rap-Rep
gloub mir, du chasch alles erreiche, wo de wosch, wet Schwarz-Si überläbt hesch
und wini mini Überlägeheit bi jeder Glägeheit
härezeige gränzt a Sälbschtgfälligkeit
i weiss es, aber säges nid, si rappes, aber läbes nid
si rede viel, we si nüt z’säge hei
si zeige alli ihres Paper, i bi dr Einzig, wo het Schäri zeigt
mi Mittelfinger immer no im Wachstum
si spiele Goat, i chum verbi fürne Schafschur
ha dini Status-Symbol wiedergholt im Pfandhuus
d’Chinder vo de Tupamaros, d’Tupac Amaru’s
berühr d’Haar vo mine und wach wieder im Spital uf
mi Gott isch voller Rachsucht
mir wachse uf ging verfolgt vo üsne Umständ,
g’formt vo üsem Umfäld, d’Norme si vernunftfärn
und wärde Chartografe für jede Umwäg
villicht isch dis Geburtsrächt eifach nume Unrächt
ha nur mis Muulwärch gäge ihres Muurwärch
und gibe mine Kids Näme
wo d’Kolonisatore nid chöi usspräche, - de Fluechbrächer
Intro
Lueg i unterscheide scho lang nümm
ob i am tröime oder wach bi
di meischti Zyt weissi nid
ob i im Flug oder im Fall bi (2x)
Hook
Und es füehlt sech so guet a wieder da z’si
no nie isch de Horizont so nach gsi
hallo, hallo, i bi wieder da
und es füehlt sech so guet a
und es füehlt sech so guet a wieder zrügg z’si
wome z’Glück fingt usserhalb vo de Bedürfnis
hallo, hallo, i bi wieder da
und es füehlt sech so guet a
|
||||
3. |
The Office
05:00
|
|||
Verse 1
Mi Pa het si Troum ufgäh, dass mine wahr wird
paradox, dass sine mit de Title vor mim Name
mi nid nur nid chalt laht, sondern ume Schlaf bringt
i säge: »Pa, weisch, was würklech radikal isch?
Dank dir muessi nid - nume füre Bakschisch -
es Läbelang irgendöpis mache, womi aschisst«
und wome diskutiert, ob Ertrinkendi rette jitz strafbar isch
isch o t’Höll nümm so heiss wi pragmatisch
si o t’Schutzängle numeno Beamti
und i ha kehs Talänt für Verwaltig
kehs Ohr für di Wahrheit us Binse
für d’Sklave vom Gwinne, i troumlose Zimmer
vo Altmänner-Ville wirft z’Schlafe no Zinse
Büecher biete Türe a wi diä vom junge Dürrematt
i ha mir’s gmüetlech gmacht im Übergang
und nimme mitem Sprängstoffgürtel i dim Büro platz, - Bang!
Verse 2
Ha immer Angscht gha, was us mir wird, wenn i z’viel Komfort ha
darum wähleni mi Wohnsitz – chli nöcher am 2te –
irgendwo i de Mitti zwüsche Wohlstand und Ohnmacht
nur e Buechstabe zwüsche Traum u Trauma
i cha so ziemlech alles usser Ghorsam
frage mi vor wichtige Entscheidige: »Was würd äch d’Susan Sontag?«
schwärer wärde, um liechter z’si
wo Banke too big to fail und d’Mönsche too small to succeed si
bini Pazifischt o im Papierchrieg
mis Büro isch z’Museum für modärni Verzwiflig
i Zyte vo de Atemnot gits Utopie i Wareform
und d’Chinder vo Hüt wärde d’Beamte vo Morn
mini Freud am Musig mache isch ä Marktschock
als Rapper lehrsch läbe i dr funktionelle Armuet
i liese alles usser mis Sparbuech und gliich
schlafi ganz ruhig i mit mire Chatz uf mire Bruscht
Verse 3
Überbeschäftiget und unterbezahlt
und meh denn je hani Hunger uf alles
ha nie meh wölle als zoubere i de Muettersprach, Kredit bi jeder Wuulchebank
und em Läbe säge, es söll mir us de Sunne gah
schribe Satz um Satz, doch schiitere am Umsatz
lang tröimt, mir chönntes ohni Guethabe guet ha
doch hie muss sech rächtfertige, wär Kunscht macht
über jedem Gwinn hanget z’Schwärt vor Verluschtangscht
Integrität isch wirtschaftlech nid nutzbar
keh Kompromiss zwüsche Shen Te und Shui Ta
und unter üs: I wott nie nach Dubai
i bi z’schlau, um dumm z’wärde, z’alt, um jung z’stärbe
notiere Fluchtwäge, mir si Muursägler
bi immer meh ä Vogel als ä Ornitholog gsi
und alles, woni erreicht ha, isch Improvisation gsi
egal was dusse los isch, mis Home wird nie es Office
Outro
I bi nid gfange im Job
i hane andere Plan
i mache nur, was i wott
und künde mi Arbeitsvertrag
und si säge: Yeah, yeah, yeah, yeah, yeah
doch i säge: No, no, no, no, no (2x)
|
||||
4. |
Covfefe
03:48
|
|||
Verse 1
Jitz si si wieder zrügg, huh? - und hei nüt usser Lüge da
darum biete si statt Utopie Mythe a
verspräche ä Heimat, ä Gmeinschaft
dä Gliiche, wo si vorhär hei allei glah
z’politische Design leit dr Wahrheit neui Chleider a
uf dere Odyssee rennt me bi Sireneklang
wüel hie ziele si vom Feschtland us uf alles, wo ufem Meer fahrt
mache ihri Bluet-und-Bode-Referat zum Fernsehprogramm
und mir? - trage ihre Fremdehass
i t’Mitti vo de Gsellschaft
fürne Klickzahl oder ä Ischaltquote
ihre Hatespeech i Mainstream
ugh, keh Politik meh ohni Feindbild
ugh, keh Expertise nur no Meinig
Heldemuet und Heimatfium: Kitsch gäge Ethik
fragili Maskulinität suecht nach Kontinuität
inere fragmentierte Wält, wo me vo Froue, vo Schwule
vo Fremde bedrängt wird
immer Angscht het, ds eim öper öpis wägnimmt
eui Politik macht Mönsche zu Usschuss
lehrt Solidarität mit Schwache sigi Luxus
entscheidet sich statt füre Brücke- füre Muurbou
aber nur wüel du ä Muur bousch
löse d’Mönsche hingedran sich nid i Luft uf, - Covfefe
Verse 2
Jitz si si wieder zrügg u setze ihri Wort i Tat um
verschiebe d’Gränze vom Astand a jedem neue Datum
keh Wecker für da Wachtroum, erloubt isch, was achunnt
d’Agänte vom Vakuum tröime vo dr schwarze Null
hinger Kommas bäte si zum Dezimalgott
keh Widerstand im Warehuus nur konfortabli Marktkunscht
sie verbinde Usgränzig und Wachstum
sie verbinde Ahnekult und Farbeflucht
und plötzlech mache si i ihrne Gärte wieder t’Fahne uf
plötzlech wei si alli starchi Manne a dr Macht
di besorgte Bürger patrouilliere d’Strassene bi Nacht, - Ugh
Giovanni Drogo, - mir warte uf d’Tatare da
obwohl diä niemals chöme, anerkennt meh keni Fakte a
i meine: Meinsch du i allem Ärnscht d’Migrante da
sige Schuld a dine schlächte Chance ufem Arbeitsmarkt?
schuldig isch, wär Panik macht
schuldig isch, wär Kapital schlaht us euer Wandelangscht
wär anderi als Ungeziefer druckt uf ihri Wahlplakat
wär mit Rassehass und Waffehandel Kasse macht
eui Politik macht Mönsche zu Usschuss
lehrt Solidarität mit Schwache sigi Luxus
entscheidet sich statt füre Brücke- füre Muurbou
aber nur wüel du ä Muur bousch,
löse d’Mönsche hingedran sich nid i Luft uf, - Covfefe
|
||||
5. |
♀
02:53
|
|||
Verse 1
Sit mim Geburtstag wott i nume zrügg a di Pulsschlag
hoffe, du bisch stolz jedes Mal, wenn i irgendöpis guet mach
und scho ir Schuelzyt, woni mini Zuekunft i
Sand hätt gsetzt, nur dass du mi cool findsch
bisch du üs immer irgendwie e chli vorus gsi
näbe dir isch me sich vorcho wi blind imene Stummfilm
du lehrsch z’Bsundere vor Liebi
wo z’Gwöhnleche vom Läbe wieder usgliicht
bruuchsch keh Guetschiin zum guet si, wüel’s i dire Natur liegt
und was wüsse Männer über Higab?
anstatt di z’liebe, hei mir di wölle im Bsitz ha
us Angscht vor dinere Grössi hei mir di nur wölle chli ha
doch sit i di a minere Siite ha
isch »Mir« wieder ä Syntax, wo Sinn macht
du und ig: di letschte Mönsche, - Deucalyon und Pyrrha
Verse 2
Hesch scho früeh Fantasieä gha vo d’Wält gseh und Fahrtwind
aber d’Macht het immer Angscht vor dir gha
versuecht di Troum z’lösche, bevor dass er real wird
und di gfange z’näh zwüsche Sprach und Si
si setze sich a d’Spitze vo de Pyramide und di ungedrah
wüel de männergmacht Natur-Plan wott di im Bett als Nutte ha
und am Herd als Muetter ha
doch di Flügel si nid gmacht fürne Putzchraft
und du nid um unbezahlt i dere Muusfalle
vo Huushalt i und us z’gah
was wüsse Männer über Liebi?
anstatt z’kommuniziere, hei mir afa kommandiere
us Angscht di z’verliere, hei mir afa kontrolliere
doch sit i di a minere Siite ha
isch »Mir« wieder ä Syntax, wo Sinn macht
du und ig: di letschte Mönsche, - Deucalyon und Pyrrha
Intro Bridge
I liebe alles, wo du bisch
und no viel meh liebi alles, wo du nid bisch
alles, wo du nid bisch
i liebe alles wo du bisch und no viel meh (2x)
Hook
Du bisch gross gsi, woni bi chli gsi
starch gsi, woni bi schwach gsi,
e Frou gsi, woni nur ha chönne Maa si
e Frou gsi, woni nur ha chönne Maa si (2x)
|
||||
6. |
Nimbus
04:12
|
|||
Verse 1
I chume usem Paradies vor Panik
vo dert, wo si Angscht hei vor de Angscht trotz em Mangel a Mangel
hie macht niemer öppis ohni Absicht
u nüt isch höcher agseh als ä praktischi Veralagig
u gliich würkt jede Snap wines Gebät
dass de Haarasatz nie grau wird, - Rhythm is a Dance
Influencerinne singe Odene a z’Zahnwiiss
ihri Bodybuilder-Boyfriends bewärbe neui Kampfjets
alles, wo wichtig wär, wirft hie keni Schatte meh
alles wo zellt: sälbschtoptimiere bis zum Frankestei
d’Chinder vo de Tinder-Paar: duurvrnetzt, Peter Parker
göh niene häre, chöme niene a
hei alli ihri alte Liebine storniere lah
sie isch sicher, dass sie mi i sich verliebe cha
mit ihrem 5-Stärn-Bewärtigs-App für jedi Liebesnacht
doch bi Nöchi spiele alli Böimli-Wächsle-Di
Wärbeschleife – Stärbehilfe, Rächeschieber lächle gierig
und mir fählt jede Gschäftssinn, sit i mim
Chopf ha bibracht wines Härz z’si
hei si keh Chugle für di Chopf drucke si ne ufne Gäldschiin
Verse 2
Nüt sage isch nid schlimm, solang mes Ärnscht meint
und gloub mir, arm si isch nume sexy, weme Gäld het
Rapper göh im 5-Minute-Takt uf ihri Socials
nur um uf Nummer sicher z’gah, dass si no irgendöper gärn het
vo chli uf Konkurränz trimmt, de Typ wo sini Likes zellt
Entmündigung per Flatrate, - mir nennes Rapgate
i däm Biz wird me so schnäll übere Tisch zoge
me verwächslet d’Riibigshitz mit Näschtwermi
i ha chronisch Färnweh, wüel mir si hie nid gärn gseh
darum läbeni Paris us vo Bärn gseh
mache Schieferwettbewärb mit ihrne Gränzstei,
sälbscht mis Schutzängelheer ungerichtet mittlerwiile Mängelehr
wüel de Korridor gäg hinge immer änger wird
und d’Aktiekurve-Kaligrafe
nähme chürzeri Wäge für lengeri Yachte
trimme Jahrelang ihre Körper füre Partnerfang
ungerrichte d’Partycrowd wime sich zure Marke macht
Matzerath füre Antaios Verlag
paradox, dass i nid schlafe cha, hie zelle si di schwarze Schaf
alli Säubschtverständlechkeite si wieder verhandelbar
Hook
Mir chöme usem Nienä, - yah
darum wärde mir nie so wi sie
mir hei nüt z’verlierä, - nah
darum wärde mir nie so wi sie
gäll: Mir male z’Läbe imne Blauton?
agiere usserhalb vo ihrer Marktnorm?
o nachem dritte Schlag vom Auktionator?
gäll mir läbe immer so?
Bridge
I bi ufem Wäg
I weiss nid wohi
I bi ufem Wäg
I muess wäg vo hiä (2x)
|
||||
7. |
Schaltjahr
05:36
|
|||
Verse 1
Mir si t’Chinder usem Hochhuus, d’Blüete ufem Komposcht
es chunnt mir wi im Troum vor, es Läbe nur uf Wort bout
Big Dawgs füehre keni Small Talks
i diskutier nid über Mohrechöpf und Chopftuech
i bi was 1964 het überläbt im Audubon Ballroom
i mine Terrain Vagues ghörsch du jedi Fremdsprach
de ganz Block het z’Passwort für z’instabile WLAN
i rede beides fliessend: Celan oder Raekwon
ohni Tröim vomene steile Karrierepfad
wüel we du dis Flexibu-Si zu dim Daheime machsch
füehlt sech plötzlech sogar t’Liebi nur no wine Fessle a
i dene Breitegrad isch es nid schwierig Pleite z’gah
roti Zahle schribe sech bi üs chli wi vo Geischterhand
i däm System si mir uf Geischterfahrt, - kei Plan
scho nume wölle Teil ha a dere Gsellschaft
gliicht für üs amne Seiltanz gäge Sheytan
doch uf de Büehni gseh mr all immer so glücklech us
solang tröimt, Noteschlüssle mieche Türe uf
und si dür t’Schissi wi de Andy Dufresne
nur um chli riicher z’si als mir’s bir Geburt si gsi
d’Industrie luegt d’Wält als es Nullsummespiel a
kehs Wunder schrumpfe üsi Wunschzettle i da
je besser mini Texte, je schlechter mini Konte
mal luege, wi guet dass i muess si bis i uf Null bi
Verse 2
Macher säge voller Stolz, dass si keni Tröim hei
doch i bi de Ace Boogie i dr Wöscherei
d’Wält wird wermer, d’Härze chelter
d’Pole schmelze, und de Betrieb wird wieder reger uf dr Heimatscholle
mir wei keni Gschänk, mir wei ä fairi Chance
doch Heimat isch ä änge Ort
und ihri Institutione bliibe blind uf ihrem rächte Oug
gseh di Schwache nur als Träppestuefe ufem Wäg nach Obe
zwüsche Mässwahn, Gäldsucht, Läbe nach de Stächuhr
tribi asynchron im Warestrom vom Acheron
de Sparkassetroum het z’weni Schatte i mim Stammboum
Löcher im Sparstrumpf sit de Pippi Langstrumpf
muess ja fasch Artist si, mortale wi de Saldo isch
Bankkonto bi Bankrott & Co.
und Dorftrottle fahre Streife füre Schlaf vor Vernunft
wache uf zwüsche Gartebou und Sache horte
sie nennes Sicherheit, i nennes Sacherturte
i gseh d’Schlange dusse vor de Armechuchi
sie hashtagge Wanderlust am Strand vo Lampedusa
i näihe Rettigsfallschirme, nagle Falltüre zue
no de Himmel het ä Numerus Clausus
Sandchorn für dis Getriebe, Kerosin für eue Flaggestoff
D&T: d’Vertrouens-Architekte für dis Chartehuus
Verse 3
Bi nümme jung und immer elter gsi als es mini Jahr si
z’lang gmeint, dass erwachse wärde optional sig
und g’flirtet mit däm Läbe ohni Absicht, - Peter Pan Shit
wo nüt Erfahrig, sondern alles nume isch Ahnig gsi
hei mini Lehrer gseit, i heig e Prise zuviel Fantasie
di andere hei gwüsst, was si wärde, wo si häre wei
nume i spiele Schäri-Stei im Labyrinth
mis Läbe het sech bis zur Halbzyt vo de Abloufszyt
abgspielt zwüsche Lit., Rap, Liebi,
Player-Dasi und Post-Koitus-Melancholie
keh Zyt für Rosechrieg, mir chöme usem Dornbezirk
hei immer meh wölle si aus troumverliebti Sorgeching
i mine Tröim Polarstärne i mim Hosesack
und McCarthy’eski Lyrik i de blosse Hand
dr Stifter vo de Stimmlose-Prosa
dr Sinnbild-Poet vor entvölkerete Vorstadt
nächtelang duss, Matadore ohni Kompass
wüel über 35gi wartet nur de Notstand
doch ig u mini bättle niemals fürne Brotrand
mir mache üs nid gloubhaft über üsi Choufchraft
d’Stärne lüchte obe blutt
und de Mond über üs gseht wine Totechopf us
i ga gah schlafe, wache uf am nächschte Morge
und d’Sunne schiint so schön, sogar d’Würfle mache d’Ouge zue
Hook
Und villech isch di Flucht nach vor nid Freiheit
villech füehrt Wanderluscht numeno zu Fernweh,
i renn 365 Tag im Jahr, 366 im Schaltjahr
Und villech isch di Sucht nach Meh nid Freiheit
villech füehrt Verbunde-Si numeno zu Trenntheit,
i renn 365 Tag im Jahr, 366 im Schaltjahr
|
||||
8. |
Hinterem Spiegel
03:25
|
|||
Verse 1
Mir läbe i de Chettenä vom Wettbewärb
belegä Flexibilität gäge ECTS-Pünkt
mässe üse Fettwärt, berächne üse Netzwärt
hie isch me nur so guet wi sis Netzwärch
und jitz stell dr mi vor mit Arachnophobie
und anere Abneigig gäge Mathematik
Marketing-Teams rede fliessend algorithmisch
Kunscht ir Zyt vor agwandte Statistik
Kreativität im Resultatsverlies
im ariadenelose Labyrinth isch Fründe-Si ä Fachbegriff
tröime nur ä Schlafbewiis, dänke Kolonialgebiet
für üses Schwiige zahle mir meh als nur de Ladepriis
zwüsche Ratings und Rankings, wo teile es Gschäft isch
macht sich, wär nid alles zeigt verdächtig
hie pflanzt me de Wahnsinn vom Wachstum i Nachwuchs
sobald de stillsteisch, verliersch a Status
kehs Wunder checket jede i i d’Therapie
wot ging no chli chasch besser si, isch z’friede si nur relativ
wär sech laht la füehre, wird sech nüm chönne verliere
i warte uf di hinter de Spiegle
Verse 2
Hie chame nume on si, weme niemals off bisch,
wi wosch di decke ire Wält, wo alles offe liegt
wo no di sälbschternannte Medie-Profis
sech isperre i soziali Medie-Profil
wo mir nid gloube, dass es nid für alles e Formle git
und Fortschritt isch, we Amazon de Warechorb per Drohne bringt
wo’s d’Norm isch worde, dass me unter Monitoring isch
wüel d’Privatsphäre nid so wichtig wi Komfort isch
und wahrgnoh wärde wi di neui Modedroge isch
was opak isch, wird abgschafft
und gli chöi mir nur no richtig handle, wes o Spass macht
Imperie si chartegmacht, mir zahle i uf d’Datebank
marschiere uf gradem Pfad i t’Gfangeschaft vor Zahlemacht
gseh di ganzi Wält dür d’Ouge vo de Marktwirtschaft
z’ächte Läbe perlet a de Glasfassade ab
i dene Städt ohni Gheimnis
wone Playlist entscheidet, was heiss isch
wüel sälbscht dini Überwachig nur es Game isch
wär sech laht la füehre, wird sech nüm chönne verliere
i warte uf di hinter de Spiegle
Hook
All di Betriebsamkeit und dä Lärme
(i wart uf di hinterem Spiegel)
all di Bewiisä, dass mir no läbe
(vergiss mi nid hinterem Spiegel)
fotografiere üses Vergässe
(i wart uf di hinterem Spiegel)
aber vergliichä üs no im Stärbe
(vergiss mi nid hinterem Spiegel)
Bridge
1000 Fänschter offe, nur das
wo üs Luft gäbt, bliibt verschlosse
wär sech laht la füehre, wird sech
sälber nüm chönne verloufe
wär ä Ich-AG het gründet
het keh Müeh meh, sich z’vrchoufe
keni Schirme nütze gäg di
Gwitterwuulche vor Kontrolle
|
||||
9. |
Film Noir
04:39
|
|||
Verse 1
Alli Ouge uf mir sitem Startschuss, - Argus
i rappe nüm, i zementiere nur mi Status
sisch mini Zyt seit d’Louis-Quatorze-Standuhr
»Hou dir dis« het d’Wife gseit, - Hanna-Arendt-Mindstate
verbunde mit dä Proportione vore Sanduhr
bi hungrig wi no nie, i hane Bandwurm
a euem Stammboum gsehni nume Fallobscht
im Gym vor unsichtbare Hand bringe di Rapper sich in Marktform
wüel si uf ihrne kognitive Plateaus si acho
nüt bringe als evolutionäri Ritardandos
i bi jünger worde sit mim letschte Album
für »Film Noir« hani di letschte Tasse usem Schrank gholt
lah Rapper lah verschwinde im Sfumato
diskutiere mitem CBN im Jargon
är roucht meh als de Miguel Angel Gallardo
agwandti Astrophobie gäg eue Starkult
aber alli mini 10 Finger si Saturn
Uh, paktiere niemals mitem Status Quo
erwiitere de Radius o ohni Hilf vo Radios
und das hie isch no nid mal mini finali Form
Verse 2
Hol dr Rasierschuum
atme fake i, schnuufe real us, - chuuu!
frisse Schlächtwätterwuulche, spöie Blitze us
frisse Niederlage, schiisse Siege us
das isch keh Musig, das isch praktischi Stilkund
si schreihe ihne giengs guet, doch halte keh Vergliich us
keh passende Sneaker für mi Zinsfuess
aber usser mir tanze all zum Algorithmus
A&R’s spiele Lyor Cohen imene Biotop
CH-Rap isch Zwärge-Wiitwurf
und vo nach gseh alli eui Götter ziemlech chli us
verpass am Tüfel uf de Schultere e Chieferbruch
i mim Quartier chöme sie nie zur Vernunft
d’Täsche voller Steine wi d’Virginia Woolf
Ugh, i chill im Waldorf, du chillsch im Dorfwald
100'000 Salieris ufne Mozart
mir hei d’Elefante für dis Porzellan
i paar Jahr performi numeno als Hologram
mini Lieder müesse immer z’letschte Wort ha
si hei Schlüssle wölle, i ha nume neui Schloss gha
Verse 3
Uh, ä Troumfrou für jede Albtroum
ä Maa worde im Chaos
chume mitem Iro usem Dschungel, - Gennaro Savastano
dr Flow isch immortale wi de Ciro di Marzio
verleihe jeder Ziile Obelix’s Gwicht
Dapper Dan, Paid In Full, Rich Porter mitem Drip
mache jedi Modelinie zu Drogedealer-Chic
Film Noir: statt mit Spotify mit Sotheby’s verlinkt
Ostbärner Homme de Lettres mit Polo Sport Faible
macht Eierchöpf zu Omelette
wüel ihri Radikalität geit immer nume bis zum Portemonnaie
frag de Pat Bateman: z’Visitecharte-Highlight Im Rolodex
I lueg mim IQ zue bim wachse wine stolze Père
e Motion mitem Löffel, si verschwinde i mim Sunken Place
Blackprint, Kase 2, Style King, kille über Type Beats rappendi Hype Beasts
mit stoischer Rueh wi de Night King
manifeschtiere alli mini Tröim i Ächtzyt
so viel gseh cho und gah, i füehle scho Survivor’s Guilt
früecher bini usse mitem Rägeschirm, hüt macheni de Wätterbricht
Intro
So weni Zyt zwüsche sträbe und stärbe
i stelle mini Uhre uf unändlech (2x)
Hook
Mini Wält het i keim vo dene GIF’s Platz
Film Noir
Mini Wifey knirschet d’Zähn, bevor si ischlaft
Film Noir
Es git e Grund defür, warum dass z’Härz links schlaht
Film Noir
Chli Schwarz i all das Wiiss, i nennes Ying Yang
Film Noir
|
||||
10. |
Roti Königin
04:09
|
|||
Verse 1
Vo Geburt a i de Unterzahl
grundlos unter Verdacht sit de Jugendtage
im Usgang unter Usflücht nid i Club glah
ungfragt kontrolliert vom Schutzmaa sit em erschte Schueltag
als hätt jede, mit mim Ussehe, Droge oder Schusswaffe derbi gha
derbi hani no nie z’Gfüehl gha, z’Gsetz sigi zu mim Schutz da
meh Angst vor de Polizei als Kriminelle usem Usland
117 wott nid, dass ä junge Brueder Plus macht
darum liegt de Bullehass bi üs i de Natur vor Sach
Phantomschmärze bi jedem neue Video
i däm ä wiisse Cop uf öpper Schwarzes schiesst
und garantiert straffrei bliibt, ganz egal wi d’Fakte si
dir heit eui Privilegie so lang gha
mittlerwiile nähmet dir si als normal wahr
alles, wo anders isch, nähmet dir als Gfahr wahr
alles, wo dir nid kennet, het nech immer nume Angst gmacht
Lüt mit Carte Blanche schribe z’Dräihbuech zu däm Film Noir
I bi 400 Jahr alt
Verse 2
Was fürne Wält: Mir müesse schreihe, dass schwarzi Läbe zellä
und bechöme när als Antwort, dass alli Läbe zellä
sit de Chindertage längt me üs i t’Haar
als wär’s Teil vo üsem Erbguet, üsi Körper Gemeinguet
und si mir Teenies, sitzt niemer meh näbe üs im Tram
jitz luege si nur ängstlech und häbe ihri Täsche
mir schiesse Goal, sie Banane vor üsi Füess
mache Affegrüüsch kombiniert mit Fascho-Grüess
und weme sich beschwärt, dass öpis rassistisch isch
erklärt me dir us männlech-wiisser Schwiizer Sicht
warum das falsch isch und äbe nid rassistisch sig
klar: Verzell mir bitte meh, wiä’s sich afüehlt mi z’si
vrzell mir, wi das isch, we me ging het müesse flissiger und besser si als anderi
um d’Waag o nur im Gliichgwicht chönne z’häbe
wenn di Lehrer dir ä Lehr empfiehlt, wüel er’s für di besser fingt
obwohl dass du im Gymi bisch
vrzell vo dire Fasnacht mit Blackface und Klan-Tracht
vrzell, wiä’s Tradition isch und Spass macht
dir heit eui Privilegie so lang gha
für euch füehlt sich Gliichberächtigung wi Unterdrückig a
alles, wo anders isch, nähmet dir als Gfahr wahr
alles, wo dir nid kennet, het nech immer nume Angst gmacht
Lüt mit Carte Blanche schribe z’Dräihbuech zu däm Film Noir
I bi 400 Jahr alt
Hook
Es geit ei Schritt füre (ei Schritt füre)
zwöi Schritt zrügg (zwöi Schritt zrügg)
du rennsch dopplet so schnäll (ds isch z’Renne vo de…)
aber chunnsch nur halb so wiit (…vo dee rote Königin) (2x)
Outro
Solang dir Vorurteil heit, gits uf dere Wält kehs Gliich-Si
mir hei di Umständ nid entworfe, das sit dir gsi
heit es Stigma gmacht us üser Huutfarb
und üs gseit, mir sölles trage wines Wundmal
doch mir trages wine Guldmedaille, - Kunta
doch mir trages wine Guldmedaille, - Toussaint
doch mir trages wine Guldmedaille, - Du Bois
doch mir trages wine Guldmedaille, - Tupac
Mir wei alles zrügg, wo si üs hei gstohle:
Üse Flow, üse Soul, üse Stolz
Mir wei alles zrügg, wo si üs hei g’rippt:
üsi Näme, üsi Gsichter, üsi Gschicht
Mir wei alles zrügg, wo si üs hei gno:
üsi Kunscht, üse Look, üsi Kultur
üses Guuld, üsi Würd, üses Glück
u mir warte nümm lang druf: Mir wei alles zrügg
|
||||
11. |
Futur II
03:21
|
|||
Verse 1
Normalerwiis alles immer, immer alles
si mal hie, mal da, aber bliibe niene lang
d’Stärne über üs gseh us als wäre si zum Griefe nah
doch villicht si si nid für üs zum Griefe da
Mama het mir bibracht, wi me sich unter sire Lascht nid chliner macht
jitz hoffi nur, dass i nid schneller stirbe als i schribe cha
zwüsche Gummizälle, Atelier und Chindergarte
hani nume Liebi für di Narre vo de Wiege bis zur Barre
schlüpfi dür di z’wiite Masche vo de Systematik
gross afah, chli bigäh, links atanzt, rächts bidräiht
was weissch du scho? – gfange im Stoizismus vo dim Privileg –
wis isch mitem Gfüehl z’läbe, dass eim niemer ghört und niemer gseht?
mir si d’Chinder vo de Louvertures und Dessalines
blind für ihre Herreblick so wi d’Bene Gesserit
schlafe mitem Fänschter off, dass es dusse wieder wermer wird
Verse 2
I bi z’Resultat vo alle däm, woni nie ha zämezellt
ha uswändig g’lehrt, was sie vergässe wei (vergässe wei)
flügelschleifende Alltag, d’Zueständ dusse nümme tanzbar
hei ging vo Nöchi tröimt, jitz säge si üs Liebi sigi Distanz ha
und i hoffe, dass di grössere Abständ zwüsche üs
zu meh hei gfüehrt als grössere Abständ zwüsche üs
wüel i bi zu Offred für eui Corporate-Abteiligs-Wokeness
wo referiert über Content-Generierig oder Blockchain
wo ihri Vorteil diräkt uf ihri Vorurteil bout und als Frontex cosplay’d
Europa isch es Iiscafé, Kunscht es Strategieballett
was weissch du scho? – gfange im Stoizismus vo dim Privileg –
wis isch mitem Gfüehl z’läbe, dass eim niemer ghört und niemer gseht?
mir si d’Chinder vo de Louvertures und Dessalines
blind für ihre Herreblick so wi d’Bene Gesserit
schlafe mitem Fänschter off, dass es dusse wieder wermer wird
Hook
I sitz mit Büecher und paar Plattene im Funkloch
und schaffe a mire 2te Zuekunft (a mire 2te Zuekunft)
är het e Troum und paar Notene ir Schuehbox
und schaffet a sire 2te Zuekunft (a sire 2te Zuekunft)
si bout ä Brügg, jedes mal we t’Wält ä Muur bout
und schaffet a ihrer 2te Zuekunft (a ihrer 2te Zuekunft)
mit alte Schlüssle chasch keh neui Türe uftue
mir schaffe a üser 2te Zuekunft
Bridge
Ahaaaaa, - push dä Bus
am Horizont zieht e neui Zuekunft uf (2x)
|
||||
12. |
Verlore, Gfunde
03:26
|
|||
Verse 1
I woke up like this, - Kafka
zieh Fäde dür mini Stigmata
zieh Bändle dür mini America Cup Prada’s
und sage a dä Gitterstäb vo de Conditio Humana
mir si d’Avantgarde vom Charterand
mi Alltag e Balanceakt
zwüsche Machtapparat und Stacheldraht
ir Schwiiz liebe si nume solide Durchschnitt
i ha nie nume wölle mi Bruef si
imene Spalt läbe, wo sech jede Mäntig Morge zueschliesst
hie kaiserschniidi mi sälber usem Buuch vom Biescht
wo de Beton dini Ussichte uffrisst und de Lift
am einte Tag kaputt isch
und am nächschte usser Betrieb
schwierig öpis z’boue, wo alles uf Abriss konzipiert isch
doch mir si alli broke - wi lang? – solang nid alli riich si
Verse 2
3,2,1, ready für Takeoff, - kei Migos
s’liegt ir Luft so wi Fiinstoub,
jede Hero het ä Theme-Song
Steve Biko Mindstate
sobald dr Beat los geit, ha immer gmeint gha
alles liegi no vor mir und mir vor
doch gsesch d’Jungs vom Quartier nur
zwüsche Bsuechsruum oder Friedhof
merksch, wi d’Bletter gheie abem Zytboum
mir hei lehre schnuufe i de dünne Luft
mir wachse ohni Hymne uf
keh Tats uf mire Huut, mi Teint seit alles, wo du wüsse muessch
für alli Schlüsselchind: Yuzuru Hanyu’s ufem dünne Iis
muess grinde, wüel z’Läbe jede Tag es paar Ideeä chürzer wird
mir si vom lääre Tramdepot i z’usverchoufte Hübeli
wüel mir hei scho immer grösser dänkt als das, wo wäri müglech gsi, - Let’s Go
Hook
Mir hei üs churz verlore gha, doch hei üs wieder gfunde
z’Läbe isch es Fundbüro, - yeah
Churz nüm gwüsst, wo mir de Chopf isch gstande, hane müesse sueche
z’Läbe isch es Fundbüro
gebore und gsuecht, verlore und gwunne, verlore und gfunde (4x)
Bridge
Love verlore, Sehnsucht gfunde
Job verlore, Freiheit gfunde
Chopf verlore, Seele gfunde
verlore und gfunde, verlore und gfunde
|
||||
13. |
Name
03:27
|
|||
Verse 1
D’Strasse vo de Chindheit si so breit gsi
Einzelchind, ha immer nume wölle frei si
bi gärn allei gsi i mire Freizyt
d’Ohre a de Boxe und us de Boxe i d’Ohre:
Rakim, Kool G, Scarface, Kane, Slick Rick
Pac, Big, Nas, Stacks, Jay-Z
di hei mir glehrt, i söll nid alles für bari Münze näh
was da usse i de Wält über üs gseit wird
wüel z’Läbe unterrichtet früeh i Farbelehr
und Immigrantechinder wärde immer nume akzeptiert
we ihres Anders-Si verhandelbar bliibt
mir si Stadtchinder gsi, keni Pfadfinder gsi
aber unbeschwärt und blattliecht
und dr Aziehigschraft vo jedem Stadtliecht usgsetzt
d’Ouge gluetrot, bereit für jedi Muetprob
Style Wars und Beat Street uf jedem Schuelhof
Mathe-Klasse hei üs lehre Zahle hasse
si usem Konflager heicho imene Chaschtewage
Läbeslöif wi üsi kenne keni grade Pfade
was hätte mir nid gmacht, nur um üs e Name z’mache
Verse 2
Mama’s Liebling
üebt der Spagatt zwüsche apasst und sich si
und fragt: »Warum darf me nid schwarz und i de Schwiiz si?«
»Warum wird me anders behandlet, weme wiiss isch?«
»Warum sinkt der Mietzins, we mir i dis Quartier zieh?«
»I bi doch nume z’Gägeteil vo allem, woni nid bi«
chli viel z’begriife fürne chline Giel
wo – näbebi - jede Monet in e anderi verliebt isch
hüt chochi Gault Milliau Menus uf euem Kriseherd
obwohl me i mim chline Kreis nüt vo Gilded Age weiss
brichi dür das töife Dach, wome für üs kreiert het
d’Gränze vo üsne Müglechkeite si nur igredt
mini Lehrer hei ging g’redet vonere schiefe Bahn
doch i ha wi im Fieberwahn a mine neue Lieder gschafft
wi de Tizian a mire »Frau im Spiegel« g’malt
dä Pinselschlag hani mir sälber bibracht
immer meh a Muetter’s Sprach gloubt als a Vater’s Land
und mi nie vore Karrierecharre spanne lah
em Arbeitsamt immer chönne Hake schlah
i z’Blaue zielt, i z’Schwarze troffe und mir derbi ä Name gmacht
Hook
Nume fürne Name, nume fürne Name, nume fürne…
nume fürne Name, yeah, nume fürne… (2x)
Bridge
Mi Rep isch mi Rep isch mi Rep und i ha mir dä schwär verdient, - yeah
mi Name isch mi Name isch mi Name und es git niemer, wo mir dä nimmt, - nah (2x)
|
Tommy Vercetti (CH) Bern, Switzerland
Ostbärn Prinz
Eldorado FM
Glanton Gang
Streaming and Download help
If you like Film Noir, you may also like:
Bandcamp Daily your guide to the world of Bandcamp